افتح ابواب عقلك

تدوين الافكار والتعبير عن الرأى

وده كان الهدف الاول انى افتح البلوج دى

انى اسجل ارآء كتيرة وافكار كتيرة تزورونى يوميا قبل النوم

اصبحت من الناس اللى مش بيعرفوا يناموا الا لما اطرح موضوع بينى وبين نفسى اقعد افكر فيه لحد ما اروح فى النوم

كتير من الموضوع اصبحت تستفزنى

ودى حاجة حلووووووة جداا لان الاستفزاز بيخلينى دايما يقظة وافكر كتير

الحياة لما بتبقى هادية بتبقى مملة اوى
^_^

ومع الوقت ادركت اد ايه الاختلاف فى الارآء والنظرة اصبح بالنسبالى شىء ايجابى

وادركت حكمة الله انه يخلق الناس كلها مختالفين

"وَلَوْ شَاء رَبُّكَ لَجَعَلَ النَّاسَ أُمَّةً وَاحِدَةً وَلاَ يَزَالُونَ مُخْتَلِفِين "



واد ايه من مجرد تعليق او رأى شخص اخر ممكن اغير مش بس فكر قديم عندى بل اغير اساس اتبنى من الصغر بسبب ما يطلق عليه "التعود"

فانها دعوة لتكسير صنمى الداخلى

وقيود السكوت والكتمان اللى خنقتنا خلاص

والهدف الاساسى للبلوج قبل التعبير عن الرأى

هو تدوين الافكار

لتكون سلاح تذكرة ليا فى اوقات من الصعب فيها تجميع افكارى

قال الامام الشافعى

العلم صيد والكتابة قيده
قيد صيودك بالحبال الواثقة

فمن الحماقة أن تصيد غزالة
وتتركها بين الخلائق طالقة

فبأسم الله ابدأ وبأسم الله استعين

وليكن مبدئى

1-(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

فليحاسبنى ربى على ما اقول

2- "الا من رحمه ربى "

الكلام مش منطبق على كل الناس
....